badnam hua aap pe ilzam na aaya

badnām huā aap pe ilzām na aayā

ik dil ke sivā koī mire kaam na aayā

āñkhoñ meñ kuchh aañsū to zarūr aa.e haiñ lekin

hoñToñ pe bahar-hāl tirā naam na aayā

saaya hī mirā sirf mire saath rahā hai

is dhuup meñ chal kar koī do gaam na aayā

lahrā.ī koī zulf to ghir aa.iiñ ghaTā.eñ

mujh tak to sar-e-bazm koī jaam na aayā

sad-shukr shab-e-vā'da na thī aur chale aa.e

sad-haif vo din jab koī paiġhām na aayā

vo merī ḳhalish ho ki tamanna ki tirā pyaar

saa.e kī tarah koī tah-e-dām na aayā

kyā jāniye kyā biit ga.ī jaan pe us kī

vo sub.h kā bhūlā jo sar-e-shām na aayā

jalnā to 'sirāj' apne liye vaj.h-e-sukūñ hai

jis shab na jale sub.h tak ārām na aayā

badnam hua aap pe ilzam na aaya

ek dil ke siwa koi mere kaam na aaya

aankhon mein kuchh aansu to zarur aae hain lekin

honTon pe bahar-haal tera nam na aaya

saya hi mera sirf mere sath raha hai

is dhup mein chal kar koi do gam na aaya

lahrai koi zulf to ghir aain ghaTaen

mujh tak to sar-e-bazm koi jam na aaya

sad-shukr shab-e-wa'da na thi aur chale aae

sad-haif wo din jab koi paigham na aaya

wo meri KHalish ho ki tamanna ki tera pyar

sae ki tarah koi tah-e-dam na aaya

kya jaaniye kya bit gai jaan pe us ki

wo subh ka bhula jo sar-e-sham na aaya

jalna to 'siraj' apne liye wajh-e-sukun hai

jis shab na jale subh tak aaram na aaya