bagule bahut hain meri ghat mein
bagūle bahut haiñ mirī ghaat meñ
ghirā huuñ ajab dasht-e-hālāt meñ
kabhī ḳhuuñ se rañgīñ bhī ho chashm-e-tar
dhanak bhī nazar aa.e barsāt meñ
kisī dard kī aañch de kar parakh
chamaktī hai ik shai mirī zaat meñ
lakīroñ kā har silsila be-karāñ
khule pāniyoñ kā safar haat meñ
vahī terī āñkhoñ ke hairat-kade
vahī maiñ jahān-e-tilismāt meñ
siyah ghar kī bīmār zau se nikal
zarā ghūm-phir chāñdnī-rāt meñ
bichhā hai kahīñ zehn meñ daam sā
phaḌaktā hai koī ḳhayālāt meñ
bajā narmī-e-lafz 'shāhīñ' magar
liye phir koī sañg bhī haat meñ
bagule bahut hain meri ghat mein
ghira hun ajab dasht-e-haalat mein
kabhi KHun se rangin bhi ho chashm-e-tar
dhanak bhi nazar aae barsat mein
kisi dard ki aanch de kar parakh
chamakti hai ek shai meri zat mein
lakiron ka har silsila be-karan
khule paniyon ka safar hat mein
wahi teri aankhon ke hairat-kade
wahi main jahan-e-tilismat mein
siyah ghar ki bimar zau se nikal
zara ghum-phir chandni-raat mein
bichha hai kahin zehn mein dam sa
phaDakta hai koi KHayalat mein
baja narmi-e-lafz 'shahin' magar
liye phir koi sang bhi hat mein
Source:
Funoon(Jadeed Ghazal Number: Volume-002) (Pg. 637)
-
- Edition: 1969
- Publisher: Ahmad Nadeem Qasmi
- Year of Publication: 1969
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
