بہہ رہا تھا ایک دریا خواب میں
بہہ رہا تھا ایک دریا خواب میں
رہ گیا میں پھر بھی تشنہ خواب میں
جی رہا ہوں اور دنیا میں مگر
دیکھتا ہوں اور دنیا خواب میں
اس زمیں پر تو نظر آتا نہیں
بس گیا ہے جو سراپا خواب میں
روز آتا ہے مرا غم بانٹنے
آسماں سے اک ستارہ خواب میں
مدتوں سے دل ہے اس کا منتظر
کوئی وعدہ کر گیا تھا خواب میں
کیا یقیں آ جائے گا اس شخص کو
اس کی بابت جو بھی دیکھا خواب میں
ایک بستی ہے جہاں خوش ہیں سبھی
دیکھ لیتا ہوں میں کیا کیا خواب میں
اصل دنیا میں تماشے کم ہیں کیا
کیوں نظر آئے تماشہ خواب میں
کھول کر آنکھیں پشیماں ہوں بہت
کھو گیا جو کچھ ملا تھا خواب میں
کیا ہوا ہے مجھ کو عالمؔ ان دنوں
میں غزل کہتا نہیں تھا خواب میں
مأخذ:
Khayalabad (Pg. 19)
- مصنف: Alam khursheed
-
- اشاعت: 2003
- ناشر: Alam khursheed
- سن اشاعت: 2003
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
