بہادر ہار کر بھی شان اپنی کم نہیں کرتے

بہادر ہار کر بھی شان اپنی کم نہیں کرتے

وہ اپنے دشمنوں کے سامنے سر خم نہیں کرتے

ہمیشہ سچ ہی کہتے ہیں وگرنہ چپ ہی رہتے ہیں

سیاست جھوٹ کی لیکن کبھی بھی ہم نہیں کرتے

مقدر سے ملا ہے جو کسی صورت نہیں کم وہ

مقدر میں نہیں ہے جو ہم اس کا غم نہیں کرتے

خفا دنیا اگر ہوتی ہے ہم سے بے سبب تو ہو

کبھی اپنی طرف سے ہم اسے برہم نہیں کرتے

منافع ہی نہیں گر عشق کے بیوپار میں کوئی

تو پھر چھوڑو خسارے کی تجارت ہم نہیں کرتے