bahaar aai hai aaraish-e-chaman ke liye

Wahshat Raza Ali Kalkatvi

bahaar aai hai aaraish-e-chaman ke liye

Wahshat Raza Ali Kalkatvi

MORE BYWahshat Raza Ali Kalkatvi

    bahār aa.ī hai ārā.ish-e-chaman ke liye

    mirī bhī tab.a ko tahrīk hai suḳhan ke liye

    ḳhayāl tak na kiyā ahl-e-anjuman ne kabhī

    tamām raat jalī sham.a anjuman ke liye

    vatan meñ aañkh churāte haiñ ham se ahl-e-vatan

    taḌapte rahte haiñ ġhurbat meñ ham vatan ke liye

    chaman ke daam se jā.eñge ham kahāñ sayyād

    qafas fuzūl hai parvarda-e-chaman ke liye

    maiñ qaid-e-ashk se āzād huuñ mohabbat meñ

    ki tujh ko sham.a banānā hai anjuman ke liye

    zabān-e-ahl-e-basīrat pe arz hairat hai

    sukūt daad hai goyā mire suḳhan ke liye

    faroġh-e-tab-e-ḳhudā-dād garche thā 'vahshat'

    riyāz kam na kiyā ham ne kasb-e-fan ke liye

    bahaar aai hai aaraish-e-chaman ke liye

    meri bhi taba ko tahrik hai suKHan ke liye

    KHayal tak na kiya ahl-e-anjuman ne kabhi

    tamam raat jali shama anjuman ke liye

    watan mein aankh churaate hain hum se ahl-e-watan

    taDapte rahte hain ghurbat mein hum watan ke liye

    chaman ke dam se jaenge hum kahan sayyaad

    qafas fuzul hai parwarda-e-chaman ke liye

    main qaid-e-ashk se aazad hun mohabbat mein

    ki tujh ko shama banana hai anjuman ke liye

    zaban-e-ahl-e-basirat pe arz hairat hai

    sukut dad hai goya mere suKHan ke liye

    farogh-e-tab-e-KHuda-dad garche tha 'wahshat'

    riyaz kam na kiya hum ne kasb-e-fan ke liye

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY