bahaar ban ke KHizan ko na yun dilasa de

Abdul Hafiz Naeemi

bahaar ban ke KHizan ko na yun dilasa de

Abdul Hafiz Naeemi

MORE BYAbdul Hafiz Naeemi

    bahār ban ke ḳhizāñ ko na yuuñ dilāsā de

    nigāheñ pher le apnī na ḳhud ko dhokā de

    masāf-e-zīst hai bhar de lahū se jaam mirā

    na muskurā ke mujhe sāġhar-e-tamannā de

    khaḌā huā huuñ sar-e-rāh muntazir kab se

    ki koī guzre to ġham ye bojh uThvā de

    vo aañkh thī ki badan ko jhulas ga.ī qurbat

    magar vo shola nahīñ ruuh ko jo garmā de

    hujūm-e-ġham vo rahā umr bhar dar-e-dil par

    ḳhushī isī meñ rahī ye hujūm-e-rastā de

    likhā hai kyā mire chehre pe jo sharmāyā

    zabān se na batā ā.īnā dikhlā de

    maiñ laḌkhaḌā gayā huuñ vafā ke vaade par

    pakaḌ ke haath mujhe ghar talak to pahuñchā de

    sukūt-e-anjum-o-mah ne chhupā liyā hai jise

    jhukī nazar na kisī ko vo raaz batlā de

    har ek dard darmāñ hai log kahte haiñ

    magar vo dard 'na.īmī' jo ḳhud masīhā de

    bahaar ban ke KHizan ko na yun dilasa de

    nigahen pher le apni na KHud ko dhoka de

    masaf-e-zist hai bhar de lahu se jam mera

    na muskura ke mujhe saghar-e-tamanna de

    khaDa hua hun sar-e-rah muntazir kab se

    ki koi guzre to gham ka ye bojh uThwa de

    wo aankh thi ki badan ko jhulas gai qurbat

    magar wo shola nahin ruh ko jo garma de

    hujum-e-gham wo raha umr bhar dar-e-dil par

    KHushi isi mein rahi ye hujum-e-rasta de

    likha hai kya mere chehre pe tu jo sharmaya

    zaban se na bata aaina hi dikhla de

    main laDkhaDa sa gaya hun wafa ke wade par

    pakaD ke hath mujhe ghar talak to pahuncha de

    sukut-e-anjum-o-mah ne chhupa liya hai jise

    jhuki nazar na kisi ko wo raaz batla de

    har ek dard ka darman hai log kahte hain

    magar wo dard 'naimi' jo KHud masiha de

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY