bahaaren aur wo rangin nazare yaad aate hain

Ram Krishn Muztar

bahaaren aur wo rangin nazare yaad aate hain

Ram Krishn Muztar

MORE BYRam Krishn Muztar

    bahāreñ aur vo rañgīñ nazāre yaad aate haiñ

    vo dilkash vādiyāñ vo māh-pāre yaad aate haiñ

    mohabbat ke vo jāñ-parvar sahāre yaad aate haiñ

    tirī āġhosh meñ jo din guzāre yaad aate haiñ

    vo mausam vo samāñ vo din vo sub.h-o-shām vo rāteñ

    vo hañste nāchte gaate sitāre yaad aate haiñ

    vo jhīleñ vo chaman vo ġhuncha-o-gul aur vo sabza

    mire dil ko vo manzar pyāre pyāre yaad aate haiñ

    masarrat-baḳhsh thā kitnā tarannum ābshāroñ

    vo lahreñ vo sukūñ-parvar kināre yaad aate haiñ

    vo jalve husn ke vo shāhid-e-rañgīñ ra.anā.ī

    shabāb-e-kaif-o-mastī ke vo dhāre yaad aate haiñ

    vo zulfeñ vo adā.eñ aur vo rañg-e-lab-o-āriz

    ġhazālīñ añkhḌiyoñ ke vo ishāre yaad aate haiñ

    nashāt-e-rūh ai merī bahār-e-zindagī mujh ko

    tire pahlū meñ jo lamhe guzāre yaad aate haiñ

    bahaaren aur wo rangin nazare yaad aate hain

    wo dilkash wadiyan wo mah-pare yaad aate hain

    mohabbat ke wo jaan-parwar sahaare yaad aate hain

    teri aaghosh mein jo din guzare yaad aate hain

    wo mausam wo saman wo din wo subh-o-sham wo raaten

    wo hanste nachte gate sitare yaad aate hain

    wo jhilen wo chaman wo ghuncha-o-gul aur wo sabza

    mere dil ko wo manzar pyare pyare yaad aate hain

    masarrat-baKHsh tha kitna tarannum aabshaaron ka

    wo lahren wo sukun-parwar kinare yaad aate hain

    wo jalwe husn ke wo shahid-e-rangin ki ranai

    shabab-e-kaif-o-masti ke wo dhaare yaad aate hain

    wo zulfen wo adaen aur wo rang-e-lab-o-ariz

    ghazalin ankhDiyon ke wo ishaare yaad aate hain

    nashat-e-ruh ai meri bahaar-e-zindagi mujh ko

    tere pahlu mein jo lamhe guzare yaad aate hain

    Source:

    Raqs-e-bahar
    • Raqs-e-bahar
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY