bahalne lagi hai zara si nami se
bahalne lagī hai zarā sī namī se
bharosa hī uThne lagā tishnagī se
bahut be-niyāzī dikhā.ī thī ham ne
so vo bhī judā ho gayā be-ruḳhī se
bahut din kā ġhussa utārā kisī ne
achānak alag ho gayā zindagī se
tumheñ ham sunāte haiñ apnī kahānī
magar is kā charchā na karnā kisī se
tumhāre liye ġham uThāne paḌeñge
tumheñ ham ne chāhā hai apnī ḳhushī se
ab us ke palaTne kā imkāñ nahīñ hai
vo uTh kar gayā hai baḌī be-dilī se
hameñ aaj apne añdhere mile haiñ
muḳhātib hue haiñ na.ī raushnī se
bahalne lagi hai zara si nami se
bharosa hi uThne laga tishnagi se
bahut be-niyazi dikhai thi hum ne
so wo bhi juda ho gaya be-ruKHi se
bahut din ka ghussa utara kisi ne
achanak alag ho gaya zindagi se
tumhein hum sunate hain apni kahani
magar is ka charcha na karna kisi se
tumhaare liye gham uThane paDenge
tumhein hum ne chaha hai apni KHushi se
ab us ke palaTne ka imkan nahin hai
wo uTh kar gaya hai baDi be-dili se
hamein aaj apne andhere mile hain
muKHatib hue hain nai raushni se
- Book : Raushni Jaari Karo (Pg. 44)
- Author :Manish Shukla
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
