بحر ہستی کوئی سراب نہیں
بحر ہستی کوئی سراب نہیں
زندگی زندگی ہے خواب نہیں
آہ انسان جس کی آنکھوں پر
اپنا انجام بے نقاب نہیں
ایک خورشید رخ کی زلفوں کا
رات کے پاس کچھ جواب نہیں
زندگی درد سے ہوئی محروم
میکدہ ہے مگر شراب نہیں
مطرب وقت تیرے ہاتھوں میں
کیوں ہے تلوار اور رباب نہیں
آدمی آدمی کا رازق ہے
نظم عالم مگر خراب نہیں
ہائے الطافؔ وہ حزیں راتیں
جن کی قسمت میں ماہتاب نہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
