بہت چاہا کہ کچھ کہہ دیں زباں پھر بھی نہیں کھولی

بہت چاہا کہ کچھ کہہ دیں زباں پھر بھی نہیں کھولی

کسی کے سامنے دل کی کبھی عرضی نہیں کھولی

تمہاری یاد آئی تو اڑے گی نیند راتوں کی

اسی ڈر سے زمانہ ہو گیا کھڑکی نہیں کھولی

ہماری بے بسی پڑھ کر گلے سب دور ہو جاتے

مگر افسوس تم نے آخری چٹھی نہیں کھولی

کمانا ویرتھ ہے اس کا امیری ویرتھ ہے اس کی

مناسب وقت پر جس نے اگر مٹھی نہیں کھولی

بھروسہ اٹھ گیا جب سے یہاں چارہ گروں سے پھر

کبھی زخموں سے ہم نے بھول کر پٹی نہیں کھولی

وہی اب دم جو بھرتا ہے سمندر ناپ لینے کا

کبھی لنگر سے اس نے آج تک کشتی نہیں کھولی

ہزاروں پرچیاں یادوں کی ہیں دل کی تجوری میں

مگر کنجوس من نے ایک بھی پرچی نہیں کھولی