bahut hi dil-nashin aawaz-e-pa thi

Naushad Ali

bahut hi dil-nashin aawaz-e-pa thi

Naushad Ali

MORE BYNaushad Ali

    bahut dil-nashīñ āvāz-e-pā thī

    na jaane tum the bād-e-sabā thī

    bajā kartī thiiñ kyā shahnā.iyāñ

    ḳhamoshī bhī hamārī jab navā thī

    vo dushman sahī yaaro hamārā

    par us jo adā thī kyā adā thī

    sabhī aks apnā apnā dekhte the

    hamārī zindagī vo ā.īna thī

    chalā jaatā thā hañstā kheltā maiñ

    nigāh-e-yār merī rahnumā thī

    chalo TuuTī to zanjīr-e-mohabbat

    musībat thī qayāmat thī balā thī

    na ham badle na tum badle ho lekin

    nahīñ jo darmiyāñ vo chiiz kyā thī

    mohabbat par udāsī chhā rahī hai

    hai kyā anjām aur kyā ibtidā thī

    shagūfe phūTte the dil se 'naushād'

    ye vaadī pahle kitnī pur-fazā thī

    bahut hi dil-nashin aawaz-e-pa thi

    na jaane tum the ya baad-e-saba thi

    baja karti thin kya shahnaiyan si

    KHamoshi bhi hamari jab nawa thi

    wo dushman hi sahi yaro hamara

    par us ki jo ada thi kya ada thi

    sabhi aks apna apna dekhte the

    hamari zindagi wo aaina thi

    chala jata tha hansta khelta main

    nigah-e-yar meri rahnuma thi

    chalo TuTi to zanjir-e-mohabbat

    musibat thi qayamat thi bala thi

    na hum badle na tum badle ho lekin

    nahin jo darmiyan wo chiz kya thi

    mohabbat par udasi chha rahi hai

    hai kya anjam aur kya ibtida thi

    shagufe phuTte the dil se 'naushad'

    ye wadi pahle kitni pur-faza thi

    RECITATIONS

    Nomaan Shauque

    Nomaan Shauque

    Nomaan Shauque

    bahut hi dil-nashin aawaz-e-pa thi Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY