bahut jumud tha be-hauslon mein kya karta

Faza Ibn e Faizi

bahut jumud tha be-hauslon mein kya karta

Faza Ibn e Faizi

MORE BYFaza Ibn e Faizi

    bahut jumūd thā be-hausloñ meñ kyā kartā

    na lagtī aag to maiñ jañgaloñ meñ kyā kartā

    ik imtihān-e-vafā hai ye umr bhar azaab

    khaḌā na rahtā agar zalzaloñ meñ kyā kartā

    ho chob giilī to āḳhir jalā.e kaun us ko

    maiñ tujh ko yaad bujhe valvaloñ meñ kyā kartā

    mirī tamām harārat zamīñ virsa hai

    ye āftāb tire bādaloñ meñ kyā kartā

    ab is qadar bhī taraf-dār maiñ nahīñ us

    himāyat us ġhalat-faisloñ meñ kyā kartā

    ye log vo haiñ jo be-jurm sañgsār hue

    harīf rah ke tire manchaloñ meñ kyā kartā

    maiñ us ke chehre rañgat nahīñ jo uḌ na sakūñ

    sameT kar vo mujhe āñchaloñ meñ kyā kartā

    adab se rābta dānish jāntā nahīñ

    ulajh ke vo bhī mire mas.aloñ meñ kyā kartā

    na raas aa.ī kabhī mujh ko bazm-e-kam-nazarāñ

    'fazā' bhī baiTh ke in pāgaloñ meñ kyā kartā

    bahut jumud tha be-hauslon mein kya karta

    na lagti aag to main jangalon mein kya karta

    ek imtihan-e-wafa hai ye umr bhar ka azab

    khaDa na rahta agar zalzalon mein kya karta

    ho chob gili to aaKHir jalae kaun us ko

    main tujh ko yaad bujhe walwalon mein kya karta

    meri tamam hararat zamin ka wirsa hai

    ye aaftab tere baadalon mein kya karta

    ab is qadar bhi taraf-dar main nahin us ka

    himayat us ki ghalat-faislon mein kya karta

    ye log wo hain jo be-jurm sangsar hue

    harif rah ke tere manchalon mein kya karta

    main us ke chehre ki rangat nahin jo uD na sakun

    sameT kar wo mujhe aanchalon mein kya karta

    adab se rabta danish ka jaanta hi nahin

    ulajh ke wo bhi mere masalon mein kya karta

    na ras aai kabhi mujh ko bazm-e-kam-nazaran

    'faza' bhi baiTh ke in pagalon mein kya karta

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY