بہت کم حیثیت میں نقد جاں ہے
بہت کم حیثیت میں نقد جاں ہے
خدا کی راہ کا سودا گراں ہے
چھری ہے تیر ہے تیغ و سناں ہے
یہ کس بیکس کا آخر امتحاں ہے
تلاطم خیز یہ بحر جہاں ہے
بھنور میں کشتیٔ عمر رواں ہے
ادا ہو شکر کس کس کا خدایا
ہزاروں نعمتیں ہیں اک زباں ہے
ترا کوچہ بہت اچھا ہے لیکن
مرے رہنے کی گنجائش کہاں ہے
ازل کیا تھا فقط اک وقت تعلیم
ابد کیا شے ہے وقت امتحاں ہے
تری صورت ہے دل کے آئنے میں
ترا ہی نام اب ورد زباں ہے
نہیں دنیا مقام عیش و راحت
جسے دیکھو وہ مصروف فغاں ہے
اجل سے سامنا ہوتا ہے اک دن
خضر بے کار عمر جاوداں ہے
اٹھاتی ہے ستم ہر باغباں کے
وہ اک بلبل جو مشت استخواں ہے
نہیں دنیا کو استحکام ہرگز
یہاں مسعودؔ کیوں فکر مکاں ہے
مأخذ:
باغ دلکش (Pg. 190)
- مصنف: سید مسعود حسن مسعود
-
- ناشر: نامعلوم تنظیم
- سن اشاعت: 1938
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
