بہت نیچی لگیں اونچائیاں بھی
بہت نیچی لگیں اونچائیاں بھی
سمندر سے گئیں گہرائیاں بھی
کبھی ہنگامے بھی اچھے لگے ہیں
کبھی اچھی لگیں تنہائیاں بھی
بھری دوپہر میں چلنا کٹھن ہے
سمٹ کر رہ گئیں پرچھائیاں بھی
کہیں جشن طرب ماتم کدہ ہے
کہیں گریہ کناں تنہائیاں بھی
نکھر کر اک کرشمہ ہو گئی ہیں
تمہارے حسن کی رعنائیاں بھی
کوئی سورج نکلتا کیوں نہیں ہے
سحر لیتی نہیں انگڑائیاں بھی
مأخذ:
فرد خیال (Pg. 30)
- مصنف: وقار صدیقی
-
- ناشر: نئی کتاب پبلیشرز، نئی دہلی
- سن اشاعت: 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
