bahut udas hai mah-e-tamam kis ke liye

Rashid Anwar Rashid

bahut udas hai mah-e-tamam kis ke liye

Rashid Anwar Rashid

MORE BYRashid Anwar Rashid

    bahut udaas hai māh-e-tamām kis ke liye

    rukī huī hai muñDeroñ pe shaam kis ke liye

    bhulā ke ḳhud ko chalo gahrī niiñd sote haiñ

    agar kareñ bhī to nīndeñ harām kis ke liye

    ki is dayār meñ kaun aayā hai jo aa.egā

    hameñ batāo ki ye ehtimām kis ke liye

    unheñ bhī kaash kisī roz ye pata to chale

    bane haiñ shauq se ham bhī ġhulām kis ke liye

    vo koī aur nahīñ hai to ek baat batā

    chhalak rahe haiñ nigāhoñ ke jaam kis ke liye

    bahut udas hai mah-e-tamam kis ke liye

    ruki hui hai munDeron pe sham kis ke liye

    bhula ke KHud ko chalo gahri nind sote hain

    agar karen bhi to ninden haram kis ke liye

    ki is dayar mein kaun aaya hai jo aaega

    hamein batao ki ye ehtimam kis ke liye

    unhen bhi kash kisi roz ye pata to chale

    bane hain shauq se hum bhi ghulam kis ke liye

    wo koi aur nahin hai to ek baat bata

    chhalak rahe hain nigahon ke jam kis ke liye

    Source :
    • Book : Shaam Hote hi (Pg. 94)
    • Author : Rashid Anwar Rashid
    • Publication : Rashid Anwar Rashid (2007)
    • Edition : 2007
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY