baiTh jata tha main thak kar apne tan ki chhanw mein

Intikhab Alam

baiTh jata tha main thak kar apne tan ki chhanw mein

Intikhab Alam

MORE BYIntikhab Alam

    baiTh jaatā thā maiñ thak kar apne tan chhāñv meñ

    ek ghar hotā thā apne naam us gaañv meñ

    qatre qatre ko tarastā rahā maiñ umr bhar

    go safar kartā rahā maiñ umr bhar dariyāoñ meñ

    mar ke jiitā thā kabhī maiñ ke martā thā kabhī

    ḳhush-nasībī thī safar kartā thā do duniyāoñ meñ

    dekhtī āñkhoñ se ham chup-chāp sunte rahe

    guftugū jaarī thī rañg-e-gul pe nā-bīnāoñ meñ

    shahr meñ rahte hue tanhā.ī ye haal thā

    maiñ ghirā rahtā thā jaise be-karāñ sahrāoñ meñ

    jis shajar ko kaaT kar us ne haTāyā raah se

    rah chukā thā vo shajar us ke karam-farmāoñ meñ

    ḳhvāb meñ 'ālam' ne auj-e-arsh tak parvāz

    aur jaage to vahī chakkar thā apne paañv meñ

    baiTh jata tha main thak kar apne tan ki chhanw mein

    ek ghar hota tha apne nam ka us ganw mein

    qatre qatre ko tarasta hi raha main umr bhar

    go safar karta raha main umr bhar dariyaon mein

    mar ke jita tha kabhi main ji ke marta tha kabhi

    KHush-nasibi thi safar karta tha do duniyaon mein

    dekhti aankhon se hum chup-chap sunte hi rahe

    guftugu jari thi rang-e-gul pe na-binaon mein

    shahr mein rahte hue tanhai ka ye haal tha

    main ghira rahta tha jaise be-karan sahraon mein

    jis shajar ko kaT kar us ne haTaya rah se

    rah chuka tha wo shajar us ke karam-farmaon mein

    KHwab mein 'alam' ne auj-e-arsh tak parwaz ki

    aur jage to wahi chakkar tha apne panw mein

    Source :
    • Book : Mujalla Dastavez (Pg. 589)
    • Author : Aziz Nabeel
    • Publication : Edarah Dastavez (2013-14)
    • Edition : 2013-14
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY