baiTha hun panw toD ke tadbir dekhna

Yagana Changezi

baiTha hun panw toD ke tadbir dekhna

Yagana Changezi

MORE BYYagana Changezi

    baiThā huuñ paañv toḌ ke tadbīr dekhnā

    manzil qadam se lipTī hai taqdīr dekhnā

    āvāze mujh pe kaste haiñ phir bandagān-e-ishq

    paḌ jaa.e phir na paañv meñ zanjīr dekhnā

    murdoñ se shart bāñdh ke soī hai apnī maut

    haañ dekhnā zarā falak-e-pīr dekhnā

    hosh uḌ na jaa.eñ san.at-e-behzād dekh kar

    ā.īna rakh ke sāmne tasvīr dekhnā

    parvāne kar chuke the sar-anjām ḳhud-kushī

    fānūs aaḌe aa gayā taqdīr dekhnā

    shāyad ḳhudā-na-ḳhāsta āñkheñ daġhā kareñ

    achchhā nahīñ navishta-e-taqdīr dekhnā

    bād-e-murād chal chukī lañgar uThāo 'yās'

    phir aage baḌh ke ḳhūbī-e-taqdīr dekhnā

    baiTha hun panw toD ke tadbir dekhna

    manzil qadam se lipTi hai taqdir dekhna

    aawaze mujh pe kaste hain phir bandagan-e-ishq

    paD jae phir na panw mein zanjir dekhna

    murdon se shart bandh ke soi hai apni maut

    han dekhna zara falak-e-pir dekhna

    hosh uD na jaen sanat-e-behzad dekh kar

    aaina rakh ke samne taswir dekhna

    parwane kar chuke the sar-anjam KHud-kushi

    fanus aaDe aa gaya taqdir dekhna

    shayad KHuda-na-KHasta aankhen dagha karen

    achchha nahin nawishta-e-taqdir dekhna

    baad-e-murad chal chuki langar uThao 'yas'

    phir aage baDh ke KHubi-e-taqdir dekhna

    RECITATIONS

    Fasih Akmal

    Fasih Akmal

    Fasih Akmal

    baiTha hun panw toD ke tadbir dekhna Fasih Akmal

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY