baiTha hun waqf-e-matam-e-hasti miTa hua

Arsh Siddiqui

baiTha hun waqf-e-matam-e-hasti miTa hua

Arsh Siddiqui

MORE BYArsh Siddiqui

    Interesting Fact

    (Qalami Aks, 1960)

    baiThā huuñ vaqf-e-mātam-e-hastī miTā huā

    zahr-e-vafā hai ghar fazā meñ ghulā huā

    ḳhud un ke paas jā.ūñ na un ko bulā.ūñ paas

    paayā hai vo mizāj ki jiinā balā huā

    apnī zabāñ ko aaj vo tāsīr hai nasīb

    jis ko ḳhudā-e-husn kahā vo ḳhudā huā

    us par ġhalat hai ishq meñ ilzām-e-dushmanī

    qātil hai mere hujla-e-jāñ meñ chhupā huā

    jaañ hai to fikr-e-ishrat-e-bazm-e-jahāñ bhī hai

    kab dil se dard-e-ālam-e-imkāñ judā huā

    haiñ jism-o-jāñ baham ye magar kis ko hai ḳhabar

    kis kis jagah se dāman-e-dil hai silā huā

    hai rāhvār-e-shauq pe āseb-e-be-dilī

    rakkhā hai kab se sāmne sāġhar bharā huā

    hāsil hai jis ko 'arsh' fazāoñ pe iḳhtiyār

    vo dil ke saath khel rahā hai to kyā huā

    baiTha hun waqf-e-matam-e-hasti miTa hua

    zahr-e-wafa hai ghar ki faza mein ghula hua

    KHud un ke pas jaun na un ko bulaun pas

    paya hai wo mizaj ki jina bala hua

    apni zaban ko aaj wo tasir hai nasib

    jis ko KHuda-e-husn kaha wo KHuda hua

    us par ghalat hai ishq mein ilzam-e-dushmani

    qatil hai mere hujla-e-jaan mein chhupa hua

    jaan hai to fikr-e-ishrat-e-bazm-e-jahan bhi hai

    kab dil se dard-e-alam-e-imkan juda hua

    hain jism-o-jaan baham ye magar kis ko hai KHabar

    kis kis jagah se daman-e-dil hai sila hua

    hai rahwar-e-shauq pe aaseb-e-be-dili

    rakkha hai kab se samne saghar bhara hua

    hasil hai jis ko 'arsh' fazaon pe iKHtiyar

    wo dil ke sath khel raha hai to kya hua

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY