baiThe hain sar-e-baam-e-falak zulf bikhere

baiThe haiñ sar-e-bām-e-falak zulf bikhere

jaise ki kahīñ Daale hoñ banjāroñ ne Dere

is darja na bad-zan ho mirī jaan tū ham se

ham jo bhī haiñ jaise bhī haiñ mehmān haiñ tere

kyuuñ ham se mile koī ki hote haiñ hamesha

sar-sabz daraḳhtoñ pe parindoñ ke basere

kuchh din to phañsā kar rakhā maiñ ne use ḳhud meñ

phir saath nahīñ rah sakī tanhā.ī bhī mere

ham shahr-e-tamannā se agar kuuch kareñ to

aa aa ke tamāshā.ī lagā lete haiñ ghere

baiThe hain sar-e-baam-e-falak zulf bikhere

jaise ki kahin Dale hon banjaron ne Dere

is darja na bad-zan ho meri jaan tu hum se

hum jo bhi hain jaise bhi hain mehman hain tere

kyun hum se mile koi ki hote hain hamesha

sar-sabz daraKHton pe parindon ke basere

kuchh din to phansa kar rakha main ne use KHud mein

phir sath nahin rah saki tanhai bhi mere

hum shahr-e-tamanna se agar kuch karen to

aa aa ke tamashai laga lete hain ghere