aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

baiThe to pas hain par aankh uTha sakte nahin

Jurat Qalandar Bakhsh

baiThe to pas hain par aankh uTha sakte nahin

Jurat Qalandar Bakhsh

MORE BYJurat Qalandar Bakhsh

    baiThe to paas haiñ par aañkh uThā sakte nahīñ

    lagā hai pa abhī haath lagā sakte nahīñ

    duur se dekh vo lab kāTte haiñ apne hoñTh

    hai abhī pās-e-adab hoñTh hilā sakte nahīñ

    takte haiñ us qad o ruḳhsār ko hasrat se aur aah

    bheñch kar ḳhuub chhātī se lagā sakte nahīñ

    dil to in paañv pe loTe hai mirā vaqt-e-ḳhirām

    shab ko duzdī se bhī par un ko dabā sakte nahīñ

    chor se raat khaḌe rahte haiñ is dar se lage

    par jo matlūb hai vo jins churā sakte nahīñ

    rījhte un adāoñ pe haiñ kyā kyā lekin

    maare andeshe ke gardan bhī hilā sakte nahīñ

    dekh rahte haiñ vo ā.īna-e-zānū us

    par kisī shakl se zaanū ko bhiḌā sakte nahīñ

    qā.ede kyā hameñ ma.alūm nahīñ ulfat ke

    be-kam-o-kāst magar un ko paḌhā sakte nahīñ

    chipke tak rahte haiñ rañg us bhabūkā ham

    aah par dil lagī apnī bujhā sakte nahīñ

    kyā ġhazab hai ki vahī bole to bole az-ḳhud

    ham unheñ kyuuñ ki bulāveñ ki bulā sakte nahīñ

    garche ham-ḳhāna haiñ 'jur.at' pa hamāre aise

    baḳht so.e ki kahīñ saath sulā sakte nahīñ

    baiThe to pas hain par aankh uTha sakte nahin

    ji laga hai pa abhi hath laga sakte nahin

    dur se dekh wo lab kaTte hain apne honTh

    hai abhi pas-e-adab honTh hila sakte nahin

    takte hain us qad o ruKHsar ko hasrat se aur aah

    bhench kar KHub sa chhati se laga sakte nahin

    dil to in panw pe loTe hai mera waqt-e-KHiram

    shab ko duzdi se bhi par un ko daba sakte nahin

    chor se raat khaDe rahte hain is dar se lage

    par jo matlub hai wo jins chura sakte nahin

    rijhte un ki adaon pe hain kya kya lekin

    mare andeshe ke gardan bhi hila sakte nahin

    dekh rahte hain wo aaina-e-zanu us ka

    par kisi shakl se zanu ko bhiDa sakte nahin

    qaede kya hamein malum nahin ulfat ke

    be-kam-o-kast magar un ko paDha sakte nahin

    chipke tak rahte hain rang us ka bhabuka sa hum

    aah par dil ki lagi apni bujha sakte nahin

    kya ghazab hai ki wahi bole to bole az-KHud

    hum unhen kyun ki bulawen ki bula sakte nahin

    garche ham-KHana hain 'jurat' pa hamare aise

    baKHt soe ki kahin sath sula sakte nahin

    Source:

    Kulliyat-e-Jura t áVolume-01 â (Pg. page-555 ebook-595)

    • Author: Jurat Qalandar Bakhsh
      • Edition: 1968
      • Publisher: Majlis-e-Taraqqi-e-Adab, Lahore
      • Year of Publication: 1968
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now