baja irshad farmaya gaya hai

bajā irshād farmāyā gayā hai

ki mujh ko yaad farmāyā gayā hai

ināyat kī haiñ nā-mumkin umīdeñ

karam ījād farmāyā gayā hai

haiñ ab ham aur zad hai hādsoñ kī

hameñ āzād farmāyā gayā hai

zarā us kī pur-ahvālī to dekheñ

jise barbād farmāyā gayā hai

nasīm-e-sabzgī the ham so ham ko

ġhubār-uftād farmāyā gayā hai

mubārak fāl-e-nek ai ḳhusrav-e-shahr

mujhe farhād farmāyā gayā hai

sanad baḳhshī hai ishq-e-be-ġharaz kī

bahut hī shaad farmāyā gayā hai

salīqe ko lab-e-fariyād tere

adā kī daad farmāyā gayā hai

kahāñ ham aur kahāñ husn-e-sar-e-bām

hameñ buniyād farmāyā gayā hai

baja irshad farmaya gaya hai

ki mujh ko yaad farmaya gaya hai

inayat ki hain na-mumkin umiden

karam ijad farmaya gaya hai

hain ab hum aur zad hai hadson ki

hamein aazad farmaya gaya hai

zara us ki pur-ahwali to dekhen

jise barbaad farmaya gaya hai

nasim-e-sabzgi the hum so hum ko

ghubar-uftad farmaya gaya hai

mubarak fal-e-nek ai KHusraw-e-shahr

mujhe farhad farmaya gaya hai

sanad baKHshi hai ishq-e-be-gharaz ki

bahut hi shad farmaya gaya hai

saliqe ko lab-e-fariyaad tere

ada ki dad farmaya gaya hai

kahan hum aur kahan husn-e-sar-e-baam

hamein buniyaad farmaya gaya hai