bajte hue ghunghru the uDti hui tanen thin

bajte hue ghuñghrū the uḌtī huī tāneñ thiiñ

pahle inhī galiyoñ meñ naġhmoñ kī dukāneñ thiiñ

yuuñ baiTh rahīñ dil meñ shorīda tamannā.eñ

goyā kisī jañgal meñ pattoñ kī uḌāneñ thiiñ

yārab mire hāthoñ meñ tesha bhī diyā hotā

har manzil-e-hastī meñ jab itnī chaTāneñ thiiñ

vo lamha-e-larzāñ bhī dekhā hai sar-e-mahfil

ik sho.ale kī muTThī meñ parvānoñ kī jāneñ thiiñ

ham marhala-e-ġham meñ tanhā the kahāñ yaaro

qātil the salībeñ thiiñ teġheñ thī sināneñ thiiñ

ik harf-e-mohabbat yuuñ phailā ki gunah Thahrā

afsāne hamāre the duniyā kī zabāneñ thiiñ

bajte hue ghunghru the uDti hui tanen thin

pahle inhi galiyon mein naghmon ki dukanen thin

yun baiTh rahin dil mein shorida tamannaen

goya kisi jangal mein patton ki uDanen thin

yarab mere hathon mein tesha bhi diya hota

har manzil-e-hasti mein jab itni chaTanen thin

wo lamha-e-larzan bhi dekha hai sar-e-mahfil

ek shoale ki muTThi mein parwanon ki jaanen thin

hum marhala-e-gham mein tanha the kahan yaro

qatil the saliben thin teghen thi sinanen thin

ek harf-e-mohabbat yun phaila ki gunah Thahra

afsane hamare the duniya ki zabanen thin