بلا سے مرتبے اونچے نہ رکھنا

تابش مہدی

بلا سے مرتبے اونچے نہ رکھنا

تابش مہدی

MORE BYتابش مہدی

    بلا سے مرتبے اونچے نہ رکھنا

    کسی دربار سے رشتے نہ رکھنا

    جوانوں کو جو درس بزدلی دیں

    کبھی ہونٹوں پہ وہ قصے نہ رکھنا

    اگر پھولوں کی خواہش ہے تو سن لو

    کسی کی راہ میں کانٹے نہ رکھنا

    کبھی تم سائلوں سے تنگ آ کر

    گھروں کے بند دروازے نہ رکھنا

    پڑوسی کے مکاں میں چھت نہیں ہے

    مکاں اپنے بہت اونچے نہ رکھنا

    نہیں ہے گھر میں مال و زر تو کیا غم

    وراثت میں مگر قرضے نہ رکھنا

    رئیس شہر کو میں جانتا ہوں

    کوئی امید تم اس سے نہ رکھنا

    بہت بے رحم ہے تابشؔ یہ دنیا

    تعلق اس سے تم گہرے نہ رکھنا

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY