band hain dil ke dariche raushni madum hai

Urooj Zaidi Badayuni

band hain dil ke dariche raushni madum hai

Urooj Zaidi Badayuni

MORE BYUrooj Zaidi Badayuni

    band haiñ dil ke darīche raushnī mādūm hai

    ab jo apnā hashr honā hai hameñ ma.alūm hai

    hasb-e-nairañg-e-jahāñ dil shaad maġhmūm hai

    aadmī jazbāt hākim nahīñ mahkūm hai

    ab takalluf bartaraf ye aap ko ma.alūm hai

    kyuuñ mirā ḳhvāb-e-vafā ta.abīr se mahrūm hai

    husn ḳhud taḌpā kiyā hai mujh ko taḌpāne ke ba.ad

    sochnā paḌtā hai vo zālim hai mazlūm hai

    ḳhvāb āḳhir ḳhvāb hai is ḳhvāb kyā e'tibār

    jannat-e-nazzāra goyā jannat-e-mauhūm hai

    haa.e ye tarfa ma.āl-e-ārzū-e-sub.h-e-nau

    jis taraf nazreñ uThātā huuñ fazā masmūm hai

    mere kirdār-e-vafā ā.īna-dārī ba-ḳhair

    kyuuñ zabān-e-dost par al-shāz-o-kal-mādūm hai

    dekhne chiiz hai ye sehr-e-andāz-e-nazar

    un har mub.ham ishāra hāmil-e-mafhūm hai

    ḳhaar bhī nā-mutma.in haiñ phuul bhī nā-mutma.in

    bāġhbāñ ke is nizām-e-gulistāñ dhuum hai

    ab use māhaul jis qālib meñ chāhe Dhaal de

    fitratan to aadmī ik paikar-e-mafhūm hai

    jo bharī mahfil meñ nazroñ huī hai guftugū

    husn ko ma.alūm hai ishq ko ma.alūm hai

    kitnī kaif-āvar hai in shirkat-e-ġham bhī 'urūj'

    mātam-e-dil jagah jashn-e-dil-e-marhūm hai

    band hain dil ke dariche raushni madum hai

    ab jo apna hashr hona hai hamein malum hai

    hasb-e-nairang-e-jahan dil shad ya maghmum hai

    aadmi jazbaat ka hakim nahin mahkum hai

    ab takalluf bartaraf ye aap ko malum hai

    kyun mera KHwab-e-wafa tabir se mahrum hai

    husn KHud taDpa kiya hai mujh ko taDpane ke baad

    sochna paDta hai wo zalim hai ya mazlum hai

    KHwab aaKHir KHwab hai is KHwab ka kya e'tibar

    jannat-e-nazzara goya jannat-e-mauhum hai

    hae ye tarfa maal-e-arzu-e-subh-e-nau

    jis taraf nazren uThata hun faza masmum hai

    mere kirdar-e-wafa ki aaina-dari ba-KHair

    kyun zaban-e-dost par al-shaz-o-kal-madum hai

    dekhne ki chiz hai ye sehr-e-andaz-e-nazar

    un ka har mubham ishaara hamil-e-mafhum hai

    KHar bhi na-mutmain hain phul bhi na-mutmain

    baghban ke is nizam-e-gulistan ki dhum hai

    ab use mahaul jis qalib mein chahe Dhaal de

    fitratan to aadmi ek paikar-e-mafhum hai

    jo bhari mahfil mein nazron ki hui hai guftugu

    husn ko malum hai ya ishq ko malum hai

    kitni kaif-awar hai in ki shirkat-e-gham bhi 'uruj'

    matam-e-dil ki jagah jashn-e-dil-e-marhum hai

    Source:

    • Book : Lahje ke Chiraag (Pg. 85)
    • Author : Urooj Zaidi
    • Publication : Irfan Zaidi, Rampur (1989)
    • Edition : 1989
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY