band kar rauzan-e-dar chāho ki raḳhna na rahe
taak par dekhe nahīñ jhāñkne vaale tum ne
muñh kī khāoge mirī jaan ḳhudā ḳhair kare
muñh lagā rakkhe haiñ jis tarah rizāle tum ne
uf karūñ dil ke jalan se to kaleja phaT jaa.e
bulbulo kaise hazāroñ kiye naale tum ne
dāman-e-ashk na chhoḌūñgā maiñ ai dīda-e-tar
dil kiyā merā hasīnoñ ko havāle tum ne
dast-o-pā vādī-e-vahshat kī tamannā thī tumheñ
aable toḌ chuke ḳhaar nikāle tum ne
kab shikast aise sanad hai ki daġhā kī ai ḳhaar
haath se phoḌ liye paañv ke chhāle tum ne
zulf-e-zanjīr-e-junūñ samjhe bhī ai hazrat-e-dil
kyā paḌā pech ki paañv apne nikāle tum ne
kis gulistāñ kī chaman-bandī hai ai mardum-e-chashm
naḳhl-e-mizhgāñ se bhare ashkoñ se thāle tum ne
bulbuleñ phūloñ se nālāñ haiñ ki shabnam ke evaz
qatre sīmāb ke kānoñ meñ haiñ Daale tum ne
chashm-o-abrū se kisī mast kī be-shak bah ke
mai-kasho taaq pe kyoñ rakkhe haiñ pyāle tum ne
kahīñ sūrat na bañdhī naqsh-e-tamannā kī 'nasīm'
saikḌoñ sīm-badan sāñche meñ Dhāle tum ne
band kar rauzan-e-dar chaho ki raKHna na rahe
tak par dekhe nahin jhankne wale tum ne
munh ki khaoge meri jaan KHuda KHair kare
munh laga rakkhe hain jis tarah rizale tum ne
uf karun dil ke jalan se to kaleja phaT jae
bulbulo kaise hazaron kiye nale tum ne
daman-e-ashk na chhoDunga main ai dida-e-tar
dil kiya mera hasinon ko hawale tum ne
dast-o-pa wadi-e-wahshat ki tamanna thi tumhein
aable toD chuke KHar nikale tum ne
kab shikast aise sanad hai ki dagha ki ai KHar
hath se phoD liye panw ke chhaale tum ne
zulf-e-zanjir-e-junun samjhe bhi ai hazrat-e-dil
kya paDa pech ki panw apne nikale tum ne
kis gulistan ki chaman-bandi hai ai mardum-e-chashm
naKHl-e-mizhgan se bhare ashkon se thaale tum ne
bulbulen phulon se nalan hain ki shabnam ke ewaz
qatre simab ke kanon mein hain Dale tum ne
chashm-o-abru se kisi mast ki be-shak bah ke
mai-kasho taq pe kyon rakkhe hain pyale tum ne
kahin surat na bandhi naqsh-e-tamanna ki 'nasim'
saikDon sim-badan sanche mein Dhaale tum ne
Source:
Deewan-e-Naseem (Pg. 32)
-
Author:
Pandit Daya Shankar Naseem Lakhnawi
-
- Publisher: Matba Gulshan-e-Faiz, Lucknow
- Year of Publication: 1895
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.