bar-sar-e-lutf aaj chashm-e-dil-ruba thi main na tha

Syed Yusuf Ali Khan Nazim

bar-sar-e-lutf aaj chashm-e-dil-ruba thi main na tha

Syed Yusuf Ali Khan Nazim

MORE BYSyed Yusuf Ali Khan Nazim

    bar-sar-e-lutf aaj chashm-e-dil-rubā thī maiñ na thā

    DhūñDhtī mujh ko nigāh-e-āshnā thī maiñ na thā

    yaar ko madd-e-nazar mashq-e-jafā thī maiñ na thā

    vaa.e qismat kal vahāñ merī qazā thī maiñ na thā

    mere hote be-takalluf hāthā-pā.ī ġhair se

    qābil is rutbe ke zālim kyā hinā thī maiñ na thā

    aah merī nā-rasā fariyād merī be-asar

    niiñd uḌā jis ne terī vo havā thī maiñ na thā

    yaad farmānā thā mujh ko bhī dam-e-gul-gasht-e-bāġh

    saath chalne ko jilau maiñ kyā sabā thī maiñ na thā

    ai parī pā-bos se mahrūm kyuuñ rakkhā mujhe

    ḳhūñ-girafta is chaman meñ kyā hinā thī maiñ na thā

    vā-e-qismat DhūñDtī thī kal mujhe shamshīr-e-yār

    rahmat-e-ām us sar-garm-e-atā thī maiñ na thā

    jaam miinā baada saaqī chañg daf barbat rabāb

    nahr gulshan chāñdnī sabza fazā thī maiñ na thā

    apne kūche meñ kiyā hotā mujhe jārūb-kash

    sāhab is ḳhidmat ke qābil kyā sabā thī maiñ na thā

    toḌ kar aflāk jo pahuñchī sar-e-arsh-e-barīñ

    qudsiyo vo merī āh-e-nā-rasā thī maiñ na thā

    umr-e-rafta mujh vāmāñda sun le payām

    qāfile vāloñ se kah denā ki sāthī maiñ na thā

    sub.h-e-vasl āzurdagī mujh se kis taqsīr par

    vaj.h-e-nārāzī to merī iltijā thī maiñ na thā

    jab gila āshob-pardāzoñ us but se kiyā

    bol uThā shoḳhī se chashm-e-fitna-zā thī maiñ na thā

    jaam miinā baada saaqī thā ye sab 'nāzim' vahāñ

    par mirī qismat ki ḳhālī merī thī maiñ na thā

    bar-sar-e-lutf aaj chashm-e-dil-ruba thi main na tha

    DhunDhti mujh ko nigah-e-ashna thi main na tha

    yar ko madd-e-nazar mashq-e-jafa thi main na tha

    wae qismat kal wahan meri qaza thi main na tha

    mere hote be-takalluf hatha-pai ghair se

    qabil is rutbe ke zalim kya hina thi main na tha

    aah meri na-rasa fariyaad meri be-asar

    nind uDa di jis ne teri wo hawa thi main na tha

    yaad farmana tha mujh ko bhi dam-e-gul-gasht-e-bagh

    sath chalne ko jilau main kya saba thi main na tha

    ai pari pa-bos se mahrum kyun rakkha mujhe

    KHun-girafta is chaman mein kya hina thi main na tha

    wa-e-qismat DhunDti thi kal mujhe shamshir-e-yar

    rahmat-e-am us ki sar-garm-e-ata thi main na tha

    jam mina baada saqi chang daf barbat rabab

    nahr gulshan chandni sabza faza thi main na tha

    apne kuche mein kiya hota mujhe jarub-kash

    sahab is KHidmat ke qabil kya saba thi main na tha

    toD kar aflak jo pahunchi sar-e-arsh-e-barin

    qudsiyo wo meri aah-e-na-rasa thi main na tha

    umr-e-rafta tu hi mujh wamanda ka sun le payam

    qafile walon se kah dena ki sathi main na tha

    subh-e-wasl aazurdagi mujh se hi kis taqsir par

    wajh-e-naraazi to meri iltija thi main na tha

    jab gila aashob-pardazon ka us but se kiya

    bol uTha shoKHi se chashm-e-fitna-za thi main na tha

    jam mina baada saqi tha ye sab 'nazim' wahan

    par meri qismat ki KHali meri ja thi main na tha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY