بر سر روزگار تھے ہم تو
بر سر روزگار تھے ہم تو
جونؔ یاروں کے یار تھے ہم تو
چل دیے دوست تو یہ دھیان آیا
صرف اک رہ گزار تھے ہم تو
اب غلاموں کے بھی غلام ہوئے
صاحب اقتدار تھے ہم تو
کھل کے روئے ہیں تو یقین آیا
واقعی جان دار تھے ہم تو
جب گرے ٹوٹ کر تو یہ دیکھا
چار سو بے شمار تھے ہم تو
ہمیں ٹھکرا دیا گیا ہے ذکیؔ
رخ پروردگار تھے ہم تو
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
