bar taraf kar ke takalluf ek taraf ho jaiye

bar taraf kar ke takalluf ik taraf ho jā.iye

mustaqil mil jā.iye yā mustaqil kho jā.iye

kyā gile shikve ki kis ne kis kī dildārī na kī

faisla kar hī liyā hai aap ne to jā.iye

merī palkeñ bhī bahut bojhal haiñ gahrī niind se

raat kaafī ho chukī hai aap bhī so jā.iye

aap se ab kyā chhupānā aap koī ġhair haiñ

ho chukā huuñ maiñ kisī kā aap bhī ho jā.iye

maut kī āġhosh meñ girya-kunāñ hai zindagī

aa.iye do chaar aañsū aap bhī ro jā.iye

shā.irī kār-e-junūñ hai aap ke bas kī nahīñ

vaqt par bistar se uThiye vaqt par so jā.iye

bar taraf kar ke takalluf ek taraf ho jaiye

mustaqil mil jaiye ya mustaqil kho jaiye

kya gile shikwe ki kis ne kis ki dildari na ki

faisla kar hi liya hai aap ne to jaiye

meri palken bhi bahut bojhal hain gahri nind se

raat kafi ho chuki hai aap bhi so jaiye

aap se ab kya chhupana aap koi ghair hain

ho chuka hun main kisi ka aap bhi ho jaiye

maut ki aaghosh mein girya-kunan hai zindagi

aaiye do chaar aansu aap bhi ro jaiye

shairi kar-e-junun hai aap ke bas ki nahin

waqt par bistar se uThiye waqt par so jaiye