baras baras se mujhe intizar tha jis ka

baras baras se mujhe intizār thā jis kā

palak jhapakne se pahle vo lamha biit gayā

sahar talak koī aayā na saath ke ghar meñ

barāmde meñ koī raat bhar Tahaltā rahā

maiñ āñkheñ band kiye jāgtā rahā shab bhar

ki koī ḳhvāb kisī bhūle-bisre lamhe kā

phir us kā naam hai kyoñ zīnat-e-dar-o-dīvār

vo ek shaḳhs jo ab tere shahr meñ na rahā

dabe qadam utar aa.ī hai raat peḌoñ par

vo so ke uThThā koī jugnū aañkh maltā huā

garāñ guzartā hai behad ye saañs kā uljhāv

hamāre rāste meñ aur fāsle na bichhā

sadā bhī degā mulāqāt kā tamannā.ī

khulā na chhoḌ ke baiTh apne ghar kā darvāza

mirī bayāz se kaaTe haiñ kis ne she'r 'jamāl'

ye mere baa'd mire ghar meñ kaun aayā thā

baras baras se mujhe intizar tha jis ka

palak jhapakne se pahle wo lamha bit gaya

sahar talak koi aaya na sath ke ghar mein

baramde mein koi raat bhar Tahalta raha

main aankhen band kiye jagta raha shab bhar

ki koi KHwab kisi bhule-bisre lamhe ka

phir us ka nam hai kyon zinat-e-dar-o-diwar

wo ek shaKHs jo ab tere shahr mein na raha

dabe qadam utar aai hai raat peDon par

wo so ke uThTha koi jugnu aankh malta hua

garan guzarta hai behad ye sans ka uljhaw

hamare raste mein aur fasle na bichha

sada bhi dega mulaqat ka tamannai

khula na chhoD ke baiTh apne ghar ka darwaza

meri bayaz se kaTe hain kis ne she'r 'jamal'

ye mere ba'd mere ghar mein kaun aaya tha