barbaad ho gae hain bahut tere pyar mein

barbād ho ga.e haiñ bahut tere pyaar meñ

afsurda aaj baiThe haiñ ġham ke hisār meñ

letī huuñ roz lutf-e-aziyyat bahār meñ

uñglī chubhotī rahtī huuñ maiñ nok-e-ḳhār meñ

kab lauT kar tū aa.egā ai mere ham-nashīñ

sadiyāñ guzar ga.iiñ haiñ tire intizār meñ

bikhrā huā hai chaar sū yādoñ kā ik hujūm

halchal machī huī hai dil-e-be-qarār meñ

tanhā.iyoñ ke dasht meñ jiinā muhāl hai

lamhe pahāḌ hone lage hijr-e-yār meñ

dar dar kī ḳhaak chhān rahī huuñ tire liye

sūrat bigaḌ ga.ī mirī gard-o-ġhubār meñ

fursat kahāñ ki DhūñDhne jā.ūñ masarrateñ

'zīnat' ulajh ga.ī huuñ ġham-e-be-shumār meñ

barbaad ho gae hain bahut tere pyar mein

afsurda aaj baiThe hain gham ke hisar mein

leti hun roz lutf-e-aziyyat bahaar mein

ungli chubhoti rahti hun main nok-e-KHar mein

kab lauT kar tu aaega ai mere ham-nashin

sadiyan guzar gain hain tere intizar mein

bikhra hua hai chaar su yaadon ka ek hujum

halchal machi hui hai dil-e-be-qarar mein

tanhaiyon ke dasht mein jina muhaal hai

lamhe pahaD hone lage hijr-e-yar mein

dar dar ki KHak chhan rahi hun tere liye

surat bigaD gai meri gard-o-ghubar mein

fursat kahan ki DhunDhne jaun masarraten

'zinat' ulajh gai hun gham-e-be-shumar mein