barg-e-sada ko lab se uDe der ho gai

Faheem Shanas Kazmi

barg-e-sada ko lab se uDe der ho gai

Faheem Shanas Kazmi

MORE BYFaheem Shanas Kazmi

    barg-e-sadā ko lab se uḌe der ho ga.ī

    ham ko bhī ab to ḳhaak hue der ho ga.ī

    ab sāhiloñ pe kis ko sadā de rahe ho tum

    lamhoñ ke bādbān khule der ho ga.ī

    ai husn-e-ḳhud-parast zarā soch to sahī

    mehr-o-vafā se tujh ko mile der ho ga.ī

    terā visāl ḳhair ab ik vāqi.a huā

    ab apne-āp se bhī mile der ho ga.ī

    sadiyoñ ret Dhāñp kar āsūda ho ga.e

    sar ko hamāre tan se kaTe der ho ga.ī

    sarsar ho sabā ho ki hoñ tez āñdhiyāñ

    ham ko fasīl-e-shab pe jale der ho ga.ī

    terī galī ke moḌ pe pahuñche the jald ham

    par tere ghar ko aate hue der ho ga.ī

    ik daur thā 'shanās' sadā thī mirī buland

    aur ab to mere hoñT sile der ho ga.ī

    barg-e-sada ko lab se uDe der ho gai

    hum ko bhi ab to KHak hue der ho gai

    ab sahilon pe kis ko sada de rahe ho tum

    lamhon ke baadban khule der ho gai

    ai husn-e-KHud-parast zara soch to sahi

    mehr-o-wafa se tujh ko mile der ho gai

    tera visal KHair ab ek waqia hua

    ab apne-ap se bhi mile der ho gai

    sadiyon ki ret Dhanp kar aasuda ho gae

    sar ko hamare tan se kaTe der ho gai

    sarsar ho ya saba ho ki hon tez aandhiyan

    hum ko fasil-e-shab pe jale der ho gai

    teri gali ke moD pe pahunche the jald hum

    par tere ghar ko aate hue der ho gai

    ek daur tha 'shanas' sada thi meri buland

    aur ab to mere honT sile der ho gai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY