barham kabhi qasid se wo mahbub na hota

Jurat Qalandar Bakhsh

barham kabhi qasid se wo mahbub na hota

Jurat Qalandar Bakhsh

MORE BYJurat Qalandar Bakhsh

    barham kabhī qāsid se vo mahbūb na hotā

    gar naam hamārā sar-e-maktūb na hotā

    ḳhūbān-e-jahāñ hai tire husn se ḳhūbī

    ḳhuub na hotā to koī ḳhuub na hotā

    islām se bargashta na hote ba-ḳhudā ham

    gar ishq-e-butāñ tab.a ke marġhūb na hotā

    kyuuñ pher vo detā mujhe le kar mire bar se

    itnā jo dil-e-zār ye ma.ayūb na hotā

    is but ko ḳhudā laayā hai ham paas vagarna

    jiine hamāre koī uslūb na hotā

    dil aaj ke din paas jo hotā mire to aah!

    aane se maiñ us shoḳh ke mahjūb na hotā

    haiñ lāzim-o-malzūm baham husn o mohabbat

    ham hote na tālib jo vo matlūb na hotā

    sar apnā rah-e-ishq meñ detā jo na 'jur.at'

    majma-e-ushshāq sarkūb na hotā

    barham kabhi qasid se wo mahbub na hota

    gar nam hamara sar-e-maktub na hota

    KHuban-e-jahan ki hai tere husn se KHubi

    tu KHub na hota to koi KHub na hota

    islam se bargashta na hote ba-KHuda hum

    gar ishq-e-butan taba ke marghub na hota

    kyun pher wo deta mujhe le kar mere bar se

    itna jo dil-e-zar ye mayub na hota

    is but ko KHuda laya hai hum pas wagarna

    jine ka hamare koi uslub na hota

    dil aaj ke din pas jo hota mere to aah!

    aane se main us shoKH ke mahjub na hota

    hain lazim-o-malzum baham husn o mohabbat

    hum hote na talib jo wo matlub na hota

    sar apna rah-e-ishq mein deta jo na 'jurat'

    tu majma-e-ushshaq ka sarkub na hota

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY