barte kuchh imtiyaz to insan kam se kam

barte kuchh imtiyāz to insān kam se kam

ho apne dostoñ kī to pahchān kam se kam

ahl-e-ġharaz kisī ke hue haiñ jo hoñ mire

itnā to soch ai dil-e-nādān kam se kam

hogā yahī bahut se bahut jaañ se jā.eñge

rah jā.egī vafā kī magar aan kam se kam

chaliye mo.āmla ye kisī samt to huā

kam to huā ye roz kā ḳhaljān kam se kam

aisā nahīñ ki māya-e-ehsās bhī na ho

itne nahīñ haiñ be-sar-o-sāmān kam se kam

nā-mumkināt meñ se to shāyad na ho 'na.īm'

aamad bahār kī nahīñ āsān kam se kam

barte kuchh imtiyaz to insan kam se kam

ho apne doston ki to pahchan kam se kam

ahl-e-gharaz kisi ke hue hain jo hon mere

itna to soch ai dil-e-nadan kam se kam

hoga yahi bahut se bahut jaan se jaenge

rah jaegi wafa ki magar aan kam se kam

chaliye moamla ye kisi samt to hua

kam to hua ye roz ka KHaljaan kam se kam

aisa nahin ki maya-e-ehsas bhi na ho

itne nahin hain be-sar-o-saman kam se kam

na-mumkinat mein se to shayad na ho 'naim'

aamad bahaar ki nahin aasan kam se kam