bas ek nazm tha darkar sab simaT jaen

bas ek nazm thā darkār sab simaT jaa.eñ

maiñ kab ye chaah rahā thā ki dukh bhī kaT jaa.eñ

mu'āf kar to diyā hai magar kaho un se

vo thoḌī der mire sāmne se haT jaa.eñ

du'ā.eñ bhī to ri'āyat ke saath māñgī haiñ

na gar hoñ mere to us ke hī din palaT jaa.eñ

ḳhizāñ-rasīda sahī khil uThūñgā andar se

jo zard patte mire jism se lipaT jaa.eñ

maiñ chāhtā huuñ zarūrat na pesh aa.e mujhe

vo muntazir hai ki chīzoñ ke daam ghaT jaa.eñ

bas ek nazm tha darkar sab simaT jaen

main kab ye chah raha tha ki dukh bhi kaT jaen

mu'af kar to diya hai magar kaho un se

wo thoDi der mere samne se haT jaen

du'aen bhi to ri'ayat ke sath mangi hain

na gar hon mere to us ke hi din palaT jaen

KHizan-rasida sahi khil uThunga andar se

jo zard patte mere jism se lipaT jaen

main chahta hun zarurat na pesh aae mujhe

wo muntazir hai ki chizon ke dam ghaT jaen