bas-ki har shai hai yahan apni hi tasir ke sath

bas-ki har shai hai yahāñ apnī hī tāsīr ke saath

raat amāvas kī nahīñ hotī hai tanvīr ke saath

charḳh-e-bechāra to maġhmūm sā hotā hai magar

kaañp jaatī hai zamīñ aah kī tāsīr ke saath

dekhne vaale zarā ġhaur se dekheñ un ko

kitnī chīzeñ haiñ paḌī hasrat-e-tā'mīr ke saath

thoḌe hī der meñ sūraj hai nikalne vaalā

raat qaa.em hai abhī vaqfa-e-tā'bīr ke saath

shāḳh-dar-shāḳh na ho jaa.e kahīñ bāñjh kā ruup

zahr phailā hai jo us shaḳhs kī taqrīr ke saath

kahīñ dariyāoñ ke paanī ko na sahrā kar de

ik 'ajab ḳhauf hai is daur kī tafsīr ke saath

mushkileñ hotī haiñ paidā isī bā'is ai 'shamīm'

raah āsāñ jo ulajh jaatī hai rah-gīr ke saath

bas-ki har shai hai yahan apni hi tasir ke sath

raat amawas ki nahin hoti hai tanwir ke sath

charKH-e-bechaara to maghmum sa hota hai magar

kanp jati hai zamin aah ki tasir ke sath

dekhne wale zara ghaur se dekhen un ko

kitni chizen hain paDi hasrat-e-ta'mir ke sath

thoDe hi der mein suraj hai nikalne wala

raat qaem hai abhi waqfa-e-ta'bir ke sath

shaKH-dar-shaKH na ho jae kahin banjh ka rup

zahr phaila hai jo us shaKHs ki taqrir ke sath

kahin dariyaon ke pani ko na sahra kar de

ek 'ajab KHauf hai is daur ki tafsir ke sath

mushkilen hoti hain paida isi ba'is ai 'shamim'

rah aasan jo ulajh jati hai rah-gir ke sath