bas ki pabandi-e-ain-e-wafa humse hui

Khalilur Rahman Azmi

bas ki pabandi-e-ain-e-wafa humse hui

Khalilur Rahman Azmi

MORE BYKhalilur Rahman Azmi

    bas ki pābandi-e-ā.īn-e-vafā ham se huī

    ye agar koī ḳhatā hai to ḳhatā ham se huī

    zindagī tere liye sab ko ḳhafā ham ne kiyā

    apnī qismat hai ki ab bhī ḳhafā ham se huī

    raat bhar chain se sone nahīñ detī ham ko

    itnī māyūs tirī zulf-e-rasā ham se huī

    sar uThāne bhalā aur kise yaarā thā

    bas tire shahr meñ ye rasm adā ham se huī

    bār-hā dast-e-sitam-gar ko qalam ham ne kiyā

    bār-hā chaak añdhere qabā ham se huī

    ham ne utne sar-e-rāh jalā.e haiñ charāg

    jitnī bargashta zamāne havā ham se huī

    bār-e-hastī to uThā uTh na sakā dast-e-savāl

    marte marte na kabhī koī duā ham se huī

    kuchh dinoñ saath lagī thī hameñ tanhā kar

    kitnī sharminda magar mauj-e-balā ham se huī

    bas ki pabandi-e-ain-e-wafa hum se hui

    ye agar koi KHata hai to KHata hum se hui

    zindagi tere liye sab ko KHafa hum ne kiya

    apni qismat hai ki ab tu bhi KHafa hum se hui

    raat bhar chain se sone nahin deti hum ko

    itni mayus teri zulf-e-rasa hum se hui

    sar uThane ka bhala aur kise yara tha

    bas tere shahr mein ye rasm ada hum se hui

    bar-ha dast-e-sitam-gar ko qalam hum ne kiya

    bar-ha chaak andhere ki qaba hum se hui

    hum ne utne hi sar-e-rah jalae hain charag

    jitni bargashta zamane ki hawa hum se hui

    bar-e-hasti to uTha uTh na saka dast-e-sawal

    marte marte na kabhi koi dua hum se hui

    kuchh dinon sath lagi thi hamein tanha pa kar

    kitni sharminda magar mauj-e-bala hum se hui

    Source :
    • Book : aasmaan ai aasmaan (Pg. 100)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY