bas ye hai meri zindagi ka dukh

bas ye hai merī zindagī kā dukh

mujh ko hotā hai har kisī kā dukh

dukh se phir kuchh nahīñ bigaḌtā hai

baañT le gar koī kisī kā dukh

mujh ko ġham aur bhī bahut haiñ par

tum ko rahtā hai muflisī kā dukh

jin ke bachchoñ ne ḳhud-kushī kar lī

un ke jaisā nahīñ kisī kā dukh

jab se rāhat nahīñ haiñ duniyā meñ

shā'irī ko hai is kamī kā dukh

kaaT dī dukh meñ zindagī ham ne

tum ko dukhtā hai do ghaḌī kā dukh

maiñ ne jab se tirī parastish kī

mujh ko khātā hai bandagī kā dukh

be-gunāhoñ kī jaan jaatī hai

maut kartī hai zindagī kā dukh

jin ko miltī hai shaam ko roTī

un ko hotā hai raushnī kā dukh

bas ye hai meri zindagi ka dukh

mujh ko hota hai har kisi ka dukh

dukh se phir kuchh nahin bigaDta hai

banT le gar koi kisi ka dukh

mujh ko gham aur bhi bahut hain par

tum ko rahta hai muflisi ka dukh

jin ke bachchon ne KHud-kushi kar li

un ke jaisa nahin kisi ka dukh

jab se rahat nahin hain duniya mein

sha'iri ko hai is kami ka dukh

kaT di dukh mein zindagi hum ne

tum ko dukhta hai do ghaDi ka dukh

main ne jab se teri parastish ki

mujh ko khata hai bandagi ka dukh

be-gunahon ki jaan jati hai

maut karti hai zindagi ka dukh

jin ko milti hai sham ko roTi

un ko hota hai raushni ka dukh