بس یہ ہے میری زندگی کا دکھ
بس یہ ہے میری زندگی کا دکھ
مجھ کو ہوتا ہے ہر کسی کا دکھ
دکھ سے پھر کچھ نہیں بگڑتا ہے
بانٹ لے گر کوئی کسی کا دکھ
مجھ کو غم اور بھی بہت ہیں پر
تم کو رہتا ہے مفلسی کا دکھ
جن کے بچوں نے خودکشی کر لی
ان کے جیسا نہیں کسی کا دکھ
جب سے راحت نہیں ہیں دنیا میں
شاعری کو ہے اس کمی کا دکھ
کاٹ دی دکھ میں زندگی ہم نے
تم کو دکھتا ہے دو گھڑی کا دکھ
میں نے جب سے تری پرستش کی
مجھ کو کھاتا ہے بندگی کا دکھ
بے گناہوں کی جان جاتی ہے
موت کرتی ہے زندگی کا دکھ
جن کو ملتی ہے شام کو روٹی
ان کو ہوتا ہے روشنی کا دکھ
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
