بسوں پر تبسم تو آنکھوں میں پانی

بسوں پر تبسم تو آنکھوں میں پانی

یہی ہے یہی دل جلوں کی نشانی

تری بے رخی اور تری مہربانی

یہی موت ہے اور یہی زندگانی

وہی اک فسانہ وہی اک کہانی

جوانی جوانی جوانی جوانی

نہ اب وہ مسرت نہ وہ شادمانی

دریغا جوانی دریغا جوانی

محبت ہی ہے اصل میں جاودانی

بڑھاپا بھی فانی جوانی بھی فانی

عطا کر مجھے وہ مقام محبت

کرے حسن خود عشق کی پاسبانی

بتاؤں ہے کیا آنسوؤں کی حقیقت

جو سمجھو تو سب کچھ نہ سمجھو تو پانی

زمیں سے تعلق نہ رشتہ فلک سے

مصیبت ہے گویا بلند آشیانی

سحرؔ اس جہان بہار خزاں میں

خوشی دائمی ہے نہ غم جاودانی