basti se dur shahr mein jaana paDa mujhe

bastī se duur shahr meñ jaanā paḌā mujhe

bachchoñ kā mas.ala thā kamānā paḌā mujhe

ġhairoñ ke dukh kā bojh uThānā paḌā mujhe

insāniyat kā farz nibhānā paḌā mujhe

ā.īna hāsidoñ ko dikhānā paḌā mujhe

kirdār aisā apnā banānā paḌā mujhe

yuuñ 'ishq kā vaqār baḌhānā paḌā mujhe

maqtal meñ tere vāste jaanā paḌā mujhe

nafrat kā thā añdherā bahut dūr-dūr tak

chāhat kā har charāġh jalānā paḌā mujhe

rakhnā thā ek lafz-e-mohabbat kā bhī bharam

tā-'umr us kā saath nibhānā paḌā mujhe

merī anāniyat ne ijāzat na dī magar

tū ne pukārā lauT ke aanā paḌā mujhe

jo apnī bevafā.ī meñ mash.hūr thā bahut

us ko sabaq vafā kā paḌhānā paḌā mujhe

kuchh is adā se bichhḌā vo 'arshī' ki us kā ġham

dānista āñsuoñ meñ chhupānā paḌā mujhe

basti se dur shahr mein jaana paDa mujhe

bachchon ka masala tha kamana paDa mujhe

ghairon ke dukh ka bojh uThana paDa mujhe

insaniyat ka farz nibhana paDa mujhe

aaina hasidon ko dikhana paDa mujhe

kirdar aisa apna banana paDa mujhe

yun 'ishq ka waqar baDhana paDa mujhe

maqtal mein tere waste jaana paDa mujhe

nafrat ka tha andhera bahut dur-dur tak

chahat ka har charagh jalana paDa mujhe

rakhna tha ek lafz-e-mohabbat ka bhi bharam

ta-'umr us ka sath nibhana paDa mujhe

meri ananiyat ne ijazat na di magar

tu ne pukara lauT ke aana paDa mujhe

jo apni bewafai mein mashhur tha bahut

us ko sabaq wafa ka paDhana paDa mujhe

kuchh is ada se bichhDa wo 'arshi' ki us ka gham

danista aansuon mein chhupana paDa mujhe