bazm-e-ahbab mein phaili jo suKHan ki KHushbu

bazm-e-ahbāb meñ phailī jo suḳhan kī ḳhushbū

mujh ko mahsūs huī mushk-e-ḳhutan kī ḳhushbū

mere ash.ār meñ hai gañg-o-jaman kī ḳhushbū

mujh ko lagtī hai bhalī arz-e-vatan kī ḳhushbū

bāġh-e-jannat ke bhī phūloñ meñ nahīñ ho saktī

aisī hotī hai shahīdoñ ke badan kī ḳhushbū

jo rivāyāt ke munkir haiñ ye kah do un se

merī tahzīb meñ hai ahd-e-kuhan kī ḳhushbū

mujh ko farsūda mazāmīn se nisbat hī nahīñ

merī ġhazloñ meñ hai pākīza chalan kī ḳhushbū

yuuñ to vābasta huuñ har shoba-e-hastī se 'kamāl'

mast rakhtī hai magar sher-o-suḳhan kī ḳhushbū

bazm-e-ahbab mein phaili jo suKHan ki KHushbu

mujh ko mahsus hui mushk-e-KHutan ki KHushbu

mere ashaar mein hai gang-o-jaman ki KHushbu

mujh ko lagti hai bhali arz-e-watan ki KHushbu

bagh-e-jannat ke bhi phulon mein nahin ho sakti

aisi hoti hai shahidon ke badan ki KHushbu

jo riwayat ke munkir hain ye kah do un se

meri tahzib mein hai ahd-e-kuhan ki KHushbu

mujh ko farsuda mazamin se nisbat hi nahin

meri ghazlon mein hai pakiza chalan ki KHushbu

yun to wabasta hun har shoba-e-hasti se 'kamal'

mast rakhti hai magar sher-o-suKHan ki KHushbu