be-diye le uDa kabutar KHat

Syed Yusuf Ali Khan Nazim

be-diye le uDa kabutar KHat

Syed Yusuf Ali Khan Nazim

MORE BYSyed Yusuf Ali Khan Nazim

    be-diye le uḌā kabūtar ḳhat

    yuuñ pahuñchtā hai uupar uupar ḳhat

    purze purze huā sarāsar ḳhat

    ek ḳhat ke bane bahattar ḳhat

    qatl hote haiñ nāma-bar har roz

    laash par laash aur ḳhat par ḳhat

    roz ik nāma-bar kahāñ se aa.e

    yuuñ rakh chhoḌtā huuñ likh kar ḳhat

    kyā qalam ne sharar-fishānī

    phuljaḌī ban gayā mirā har ḳhat

    chaar haiñge kul un ke ham-sā.e

    likh ke de aa.e aaj ham-sar ḳhat

    jo ki lete nahīñ haiñ merā naam

    vo likheñge mujhe muqarrar ḳhat

    kis tarah sarnavisht ko badlūñ

    ḳhat meñ mil jaa.e ġhair ke gar ḳhat

    paḌh to leñge vo naama merā bhī

    aate rahte haiñ us ke aksar ḳhat

    dekh kar naam pheñk deñge zarūr

    phir na leñge kabhī mukarrar ḳhat

    Dāk-ghar meñ ticket nahīñ baaqī

    'nāzim' itne ga.e haiñ ḳhat par ḳhat

    be-diye le uDa kabutar KHat

    yun pahunchta hai upar upar KHat

    purze purze hua sarasar KHat

    ek KHat ke bane bahattar KHat

    qatl hote hain nama-bar har roz

    lash par lash aur KHat par KHat

    roz ek nama-bar kahan se aae

    yun hi rakh chhoDta hun likh kar KHat

    kya qalam ne sharar-fishani ki

    phuljaDi ban gaya mera har KHat

    chaar hainge kul un ke ham-sae

    likh ke de aae aaj ham-sar KHat

    jo ki lete nahin hain mera nam

    wo likhenge mujhe muqarrar KHat

    kis tarah sarnawisht ko badlun

    KHat mein mil jae ghair ke gar KHat

    paDh to lenge wo nama mera bhi

    aate rahte hain us ke aksar KHat

    dekh kar nam phenk denge zarur

    phir na lenge kabhi mukarrar KHat

    Dak-ghar mein ticket nahin baqi

    'nazim' itne gae hain KHat par KHat

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY