be-mehr kahte ho use jo bewafa nahin

Taskeen Dehlavi

be-mehr kahte ho use jo bewafa nahin

Taskeen Dehlavi

MORE BYTaskeen Dehlavi

    be-mehr kahte ho use jo bevafā nahīñ

    sach hai ki bevafā huuñ maiñ tum bevafā nahīñ

    uqda jo dil meñ hai mire hone nahīñ

    jab tak ki aap kholte zulf-e-dotā nahīñ

    ayyārī dekhnā jo gale milne ko kaho

    kahtā hai maiñ to tum se huā kuchh ḳhafā nahīñ

    ashkoñ ke saath qatra-e-ḳhūñ thā nikal gayā

    siine meñ se to dil ko koī le gayā nahīñ

    jaltā hai sāda-lauhī pe kyā apnī mirā

    dil le ke ab jo baat vo kartā zarā nahīñ

    vo pur-ḳhatar hai vādi-e-ulfat ki raah meñ

    kahte haiñ ḳhizr haa.e koī rahnumā nahīñ

    kartā huuñ terī zulf se dil mubādala

    har-chand jāntā huuñ ye saudā burā nahīñ

    kaise vo talḳh-tar haiñ mire shor-e-ishq se

    qismat se apnā chāhne meñ bhī mazā nahīñ

    josh-e-junūñ meñ sar pe uḌā.eñ kahāñ se ḳhaak

    dil kyā gayā ġhubār meñ rahā nahīñ

    dekhūñ to le hai jaan malak-ul-maut kis tarah

    tum vaqt-e-marg paas se uThnā zarā nahīñ

    'taskīñ' ne naam le ke tirā vaqt-e-marg aah

    kyā jaane kyā kahā thā kisī ne sunā nahīñ

    be-mehr kahte ho use jo bewafa nahin

    sach hai ki bewafa hun main tum bewafa nahin

    uqda jo dil mein hai mere hone ka wa nahin

    jab tak ki aap kholte zulf-e-dota nahin

    ayyari dekhna jo gale milne ko kaho

    kahta hai main to tum se hua kuchh KHafa nahin

    ashkon ke sath qatra-e-KHun tha nikal gaya

    sine mein se to dil ko koi le gaya nahin

    jalta hai sada-lauhi pe kya apni ji mera

    dil le ke ab jo baat wo karta zara nahin

    wo pur-KHatar hai wadi-e-ulfat ki rah mein

    kahte hain KHizr hae koi rahnuma nahin

    karta hun teri zulf se dil ka mubaadala

    har-chand jaanta hun ye sauda bura nahin

    kaise wo talKH-tar hain mere shor-e-ishq se

    qismat se apna chahne mein bhi maza nahin

    josh-e-junun mein sar pe uDaen kahan se KHak

    dil kya gaya ghubar hi ji mein raha nahin

    dekhun to le hai jaan malak-ul-maut kis tarah

    tum waqt-e-marg pas se uThna zara nahin

    'taskin' ne nam le ke tera waqt-e-marg aah

    kya jaane kya kaha tha kisi ne suna nahin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY