be-murawwat hain to wapas hi uTha le shab-o-roz

be-muravvat haiñ to vāpas hī uThā le shab-o-roz

mujh ko bhāte nahīñ ye tere nirāle shab-o-roz

ek ummīd kā taara hai sar-e-bām abhī

us kī kirnoñ se hī ham ne haiñ ujāle shab-o-roz

jo tirī yaad ke saa.e meñ guzāre ham ne

haiñ vahī ziist ke anmol havāle shab-o-roz

dasht se ḳhaak uThā laayā thā ajdād kī maiñ

ghar meñ rakkhe to hue chāñd ke haale shab-o-roz

dast-e-ḳhūnīñ na kabhī vaqt uThā.e tujh par

hukm lamhoñ pe chalā Dhaal banā le shab-o-roz

apne din-rāt se mumkin hai kahāñ koī farār

dasht-e-vahshat meñ utar aur sajā le shab-o-roz

be-murawwat hain to wapas hi uTha le shab-o-roz

mujh ko bhate nahin ye tere nirale shab-o-roz

ek ummid ka tara hai sar-e-baam abhi

us ki kirnon se hi hum ne hain ujale shab-o-roz

jo teri yaad ke sae mein guzare hum ne

hain wahi zist ke anmol hawale shab-o-roz

dasht se KHak uTha laya tha ajdad ki main

ghar mein rakkhe to hue chand ke haale shab-o-roz

dast-e-KHunin na kabhi waqt uThae tujh par

hukm lamhon pe chala Dhaal bana le shab-o-roz

apne din-raat se mumkin hai kahan koi farar

dasht-e-wahshat mein utar aur saja le shab-o-roz