بے قراری قرار ہے مجھ کو
بے قراری قرار ہے مجھ کو
دل کے زخموں سے پیار ہے مجھ کو
ان دنوں حالت جنون میں ہوں
مجھ پہ اب اختیار ہے مجھ کو
دیکھ وارفتگیٔ حالت حال
اپنی وحشت سے پیار ہے مجھ کو
اب تری یاد بھی نہیں آتی
کیوں ترا انتظار ہے مجھ کو
اے مری جان تو نے سوچا ہے
تجھ پہ کیوں اعتبار ہے مجھ کو
میں نے وہ بات جو کہی ہی نہیں
وہ بہت ناگوار ہے مجھ کو
ایک کشتی کی ہے طلب راہیؔ
عشق دریا کے پار ہے مجھ کو
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
