be-sabaati waqt ki qaem nahin rah paegi

be-sabātī vaqt kī qaa.em nahīñ rah pā.egī

zindagī har haal ko ik aa.ina dikhlā.egī

phir nasīm-e-sub.h bhī aThkheliyoñ par aa.egī

phir tirī zulf-e-mu’attar gulsitāñ mahkā.egī

kaun jaane kaun sā pal zindagī ko DhūñD le

zindagī shāyad nayā ik ham-safar de jā.egī

naqsh-e-pā darkār haiñ mujh ko na rahbar kī talāsh

lams kī ḳhushbū mujhe ghar tak tire le jā.egī

nāz-bardārī karo tum laakh lekin ai 'kamāl'

kaj-adā.ī husn kī ik hādsa ban jā.egī

be-sabaati waqt ki qaem nahin rah paegi

zindagi har haal ko ek aaina dikhlaegi

phir nasim-e-subh bhi aThkheliyon par aaegi

phir teri zulf-e-mu’attar gulsitan mahkaegi

kaun jaane kaun sa pal zindagi ko DhunD le

zindagi shayad naya ek ham-safar de jaegi

naqsh-e-pa darkar hain mujh ko na rahbar ki talash

lams ki KHushbu mujhe ghar tak tere le jaegi

naz-bardari karo tum lakh lekin ai 'kamal'

kaj-adai husn ki ek hadsa ban jaegi