aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

be-sabab tujhse har ek baat pe nalan hona

Jameeluddin Aali

be-sabab tujhse har ek baat pe nalan hona

Jameeluddin Aali

MORE BYJameeluddin Aali

    be-sabab tujh se har ik baat pe nālāñ honā

    apnā pesha jo Thahrā hai pareshāñ honā

    itnī rusvā.iyāñ sah haiñ to ik ye bhī sahī

    ham ko manzūr he minnat-kash-e-darbāñ honā

    tujh meñ kyā baat hai jo mujh meñ nahīñ hai zālim

    haañ magar tere liye merā pareshāñ honā

    haa.e us bazm ke ādāb jahāñ lāzim ho

    kabhī hairāñ nazar aanā kabhī hairāñ honā

    umr bhar ke liye kaafī hai vahī ek jhalak

    tum ko lāzim nahīñ har shai se numāyāñ honā

    ḳhāmushī merī kahīñ aur pashemāñ na kare

    tum agar ho bhī to ḳhalvat meñ pashemāñ honā

    log dekheñ to na jaane use kyā samjheñge

    aa.ina dekhnā terā mirā hairāñ honā

    jaise sāhil se chhuḌā letī haiñ maujeñ dāman

    kitnā saada hai tirā mujh se gurezāñ honā

    haiñ tere ruḳh pe vo taqdīs ke partav ki tujhe

    zeb detā nahīñ dushman-e-īmāñ honā

    kyā ḳhabar un ko ki hai kitnā ajiib ai 'ālī'

    ik garāñ shai kisī ke liye arzāñ honā

    be-sabab tujh se har ek baat pe nalan hona

    apna pesha hi jo Thahra hai pareshan hona

    itni ruswaiyan sah li hain to ek ye bhi sahi

    hum ko manzur he minnat-kash-e-darban hona

    tujh mein kya baat hai jo mujh mein nahin hai zalim

    han magar tere liye mera pareshan hona

    hae us bazm ke aadab jahan lazim ho

    kabhi hairan nazar aana kabhi hairan hona

    umr bhar ke liye kafi hai wahi ek jhalak

    tum ko lazim nahin har shai se numayan hona

    KHamushi meri kahin aur pasheman na kare

    tum agar ho bhi to KHalwat mein pasheman hona

    log dekhen to na jaane use kya samjhenge

    aaina dekhna tera mera hairan hona

    jaise sahil se chhuDa leti hain maujen daman

    kitna sada hai tera mujh se gurezan hona

    hain tere ruKH pe wo taqdis ke partaw ki tujhe

    zeb deta hi nahin dushman-e-iman hona

    kya KHabar un ko ki hai kitna ajib ai 'ali'

    ek garan shai ka kisi ke liye arzan hona

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now