be-tamannā huuñ ḳhasta-jān huuñ maiñ
ek ujḌā huā makān huuñ maiñ
jañg to ho rahī hai sarhad par
apne ghar meñ lahūluhān huuñ maiñ
ġham-o-ālām bhī haiñ mujh ko aziiz
qadr-dānoñ kā qadr-dān huuñ maiñ
zabt tahzīb hai mohabbat kī
vo samajhte haiñ be-zabān huuñ maiñ
lab pe iḳhlās haath meñ ḳhanjar
kaise yāroñ ke darmiyān huuñ maiñ
chhed hī chhed haiñ faqat jis meñ
aisī kashtī kā bādbān huuñ maiñ
jo kisī ko bhī aaj yaad nahīñ
bhūlī-bisrī vo dāstān huuñ maiñ
yā girāñ-gosh hai nagar kā nagar
yā kisī dasht meñ azaan huuñ maiñ
shā.irī ho ki āshiqī 'ābid'
har rivāyat kā pāsbān huuñ maiñ
be-tamanna hun KHasta-jaan hun main
ek ujDa hua makan hun main
jang to ho rahi hai sarhad par
apne ghar mein lahuluhan hun main
gham-o-alam bhi hain mujh ko aziz
qadr-danon ka qadr-dan hun main
zabt tahzib hai mohabbat ki
wo samajhte hain be-zaban hun main
lab pe iKHlas hath mein KHanjar
kaise yaron ke darmiyan hun main
chhed hi chhed hain faqat jis mein
aisi kashti ka baadban hun main
jo kisi ko bhi aaj yaad nahin
bhuli-bisri wo dastan hun main
ya giran-gosh hai nagar ka nagar
ya kisi dasht mein azan hun main
shairi ho ki aashiqi 'abid'
har riwayat ka pasban hun main
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.