bechte kya ho miyan aan ke bazar ke beach

bechte kyā ho miyāñ aan ke bāzār ke beach

aur anā kaahe ko rakh chhoḌī hai bevpār ke beach

us ghaḌī adl kī zanjīr kahāñ hotī hai

jab kanīzoñ ko chunā jaatā hai dīvār ke beach

shahr hotā hai sitāroñ ke lahū se raushan

tasht meñ sar bhī paḌe hote haiñ darbār ke beach

kabhī us raah meñ phal-phūl lagā karte the

ab lahū kāTte haiñ kābul-o-qandhār ke beach

karb ke vāste maujūd hai duniyā-e-bahisht

sach muallaq hai abhī ātish-o-gulzār ke beach

raakh baiThegī to phir aag ravāna hogī

jaane kab se jo dahaktī rahī kohsār ke beach

shaam utartī hai to 'vājid' maiñ yahī sochtā huuñ

aaj kā din bhī gayā yādoñ ke ambār ke beach

bechte kya ho miyan aan ke bazar ke beach

aur ana kahe ko rakh chhoDi hai bewpar ke beach

us ghaDi adl ki zanjir kahan hoti hai

jab kanizon ko chuna jata hai diwar ke beach

shahr hota hai sitaron ke lahu se raushan

tasht mein sar bhi paDe hote hain darbar ke beach

kabhi us rah mein phal-phul laga karte the

ab lahu kaTte hain kabul-o-qandhaar ke beach

karb ke waste maujud hai duniya-e-bahisht

sach muallaq hai abhi aatish-o-gulzar ke beach

rakh baiThegi to phir aag rawana hogi

jaane kab se jo dahakti rahi kohsar ke beach

sham utarti hai to 'wajid' main yahi sochta hun

aaj ka din bhi gaya yaadon ke ambar ke beach