بیدار ہو گئے ہیں جو خواب گراں سے ہم
بیدار ہو گئے ہیں جو خواب گراں سے ہم
آگے نکل گئے ہیں زبان و مکاں سے ہم
لگ جائے گی ٹھکانے کبھی خاک زندگی
لپٹے رہیں گے گرد پس کارواں سے ہم
منزل بھی تھی نگاہ میں گرد و غبار راہ
لے کر چلے جو اذن سفر کہکشاں سے ہم
اس سنگ آستاں پہ جھکا کر جبین شوق
لو بے نیاز ہو گئے دونوں جہاں سے ہم
مانا نہیں ہے یوں ہی ہمارے وجود کو
ٹکرائے ہیں زمیں سے کبھی آسماں سے ہم
آغاز و انتہا کی حقیقت سے بے خبر
شرح حیات کرتے رہے درمیاں سے ہم
کیا پوچھتے ہو گردش تقدیر کارواں
پہنچے وہیں پہ آ کے چلے تھے جہاں سے ہم
سجدے ہی یاد ہیں نہ ترے سنگ در کا ہوش
سر بھی جھکا کے دور رہے آستاں سے ہم
کچھ بھی نہ تھا رضاؔ وہ بجز دود آہ شوق
تعبیر جس کو کرتے رہے آسماں سے ہم
مأخذ:
Zakhma (Pg. 63)
- مصنف: رضا جونپوری
-
- اشاعت: 1978
- ناشر: اترپردیش اردو اکیڈمی، لکھنؤ
- سن اشاعت: 1978
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
